TARMAK

តារាងបង្គោលបាល់បោះ B500 Easy Box សម្រាប់កុមារ/មនុស្សធំ ទំហំ 3.05m ដំឡើងនិង រៀបទុកត្រឹម 1 នាទី

លេខកូដផលិតផល 8551504

$529,00

ពន្ធត្រូវបានបូកបញ្ចូល

ទំហំ:

Sizes guide

ចំនួន

Home Delivery

Within 48 Hours

Available

Click & Collect

Pickup in store within 4 Hours

ស័ក្តិសមសម្រាប់កូនក្មេង និងមនុស្សពេញវ័យ ក្នុងការលេងកីឡាបាល់បោះ នៅខាងក្រៅ។ ប្រអប់ផលិតផល B500 នេះអាចលៃតម្រូវបានពី 2.40 ម ដល់ 3.05 ម។ វាអាចដំឡើងនិងរៀបទូកបានក្នុងរយៈពេលមិនដល់ 1 នាទីឡើយ!

កន្ត្រកបាល់បោះចល័តបាននេះ គឺអស្ចារ្យណាស់។អាចដំឡើងនិងរៀបទុកដោយប្រើពេលពេល 1 នាទី ដោយគ្មានឧបករណ៍។អ្នកអាចលៃតម្រូវកម្ពស់បាន 4 លេខ ដោយមិនពិបាក ហើយកង់ទាំង 4 របស់វាធ្វើឱ្យវាអាចចល័តបានទាំងស្រុង។

ផ្ទាំងខាងក្រោយ: 70.0% ដែកថែប, 30.0% Polycarbonate

; ស្រទាប់ខាងលើ: 100.0% ដែកថែប; គ្រឹះ: 50.0% ដែកថែប, 50.0% Polyethylene

BENEFITS

ងាយស្រួលដំឡើង

ការច្នៃប្រឌិត៖ ពន្លាបានដោយមិនបាច់ប្រឹង និងបត់ចុះវិញមិនដល់ 1 នាទី ដោយមិនបាច់ប្រើឧបករណ៍អ្វីឡើយ។

ងាយស្រួលធ្វើចលនា

ឧបករណ៍បាល់បោះចល័ត ដែលមានកង់ 4 (រំកិលបាន 2) នៅត្រង់ជើងឧបករណ៍។

អាចកែតំរូវបាន

លៃតម្រូវកម្ពស់បាន 4 លេខផ្សេងគ្នា (2.4 ម, 2.6 ម, 2.8 ម និង 3.05 ម) ដោយប្រើក្រវាត់។

ការរក្សាលំនឹង

លំនឹងល្អឥតខ្ចោះ ដោយសារមានធុងចំណុះ 15 លីត្រ (ចាក់បំពេញដោយទឹកឬខ្សាច់)។

លោត

លេងបានដោយសប្បាយ ដោយសារមានក្ដារទ្រប៉ូលីអេទីឡែន HD 3mm។

TECHNICAL INFORMATIONS

ឈុតប្រអប់ឧបករណ៍បាល់បោះ B500 ដ៏ប្លែកនិងច្នៃប្រឌិត

សម័យដែលត្រូវប្រើឈុតឧបករណ៍បាល់បោះសំពីងសំពោង ដែលចំណាយទីធ្លាធំពេញមួយឆ្នាំ នៅកណ្តាលសួនរបស់អ្នក គឺហួសហើយ!ឈុតប្រអប់ឧបករណ៍បាល់បោះម៉ូដែល B500 មានភាពច្នៃប្រឌិតនិងប្លែកពីគេ ដោយសារវាអាចដំឡើងនិងរៀបទុកដោយប្រើពេលត្រឹម 1 នាទី ដោយគ្មានឧបករណ៍។
វាសក្តិសមសម្រាប់គ្រួសារទាំងមូល ព្រោះវាអាចលៃតម្រូវបានយ៉ាងងាយស្រួលបានកម្ពស់ 4 លេខផ្សេងគ្នា ជាមួយនឹងប្រព័ន្ធក្រវាត់របស់វា៖2.4 ម, 2.6 ម, 2.8 ម និង 3.05 ម។

តើប្រអប់ឧបករណ៍ B500 នេះចល័តបានឬទេ?

ពិតណាស់ឈុតឧបករណ៍បាល់បោះនេះអាចផ្លាស់ទីបានយ៉ាងងាយស្រួល សម្រាប់អ្នកយកទៅដាក់នៅកន្លែងណាដែលអ្នកចូលចិត្ត៖ នៅក្នុងផ្ទះ ឬសួនច្បារ ឬហេតុអ្វីមិនរានហាលផ្ទាល់ដី?ជាមួយនឹងកង់ដ៏ធំរបស់វា ឈុតប្រអប់ឧបករណ៍បាល់បោះ B500 នេះអាចឆ្លងកាត់ឧបសគ្គគ្រប់បែបយ៉ាង (ជំហាន គ្រួស ជាដើម) ដែលធ្វើឱ្យវាងាយស្រួលក្នុងការផ្លាស់ទីវាពីកន្លែងទុកទៅកន្លែងលេងបាន។

តើប្រអប់ B500 នេះមានទំហំប៉ុណ្ណា?

សូមពិនិត្យមើលទំហំរបស់ឈុតប្រអប់ឧបករណ៍នៅទីនេះ៖
- ជើង (សម)៖145x79x45
- បង្គោល (សម)៖8.0 x 8.0 (មុខកាត់ជាប់) / 7.5 x 7.5 (ស្រុញ) / 7 x 7 (ស្រុញ)
- ក្ដារក្រោយ (សម)៖ 108 x 70 x 2.30
- អង្កត់ផ្ចិតរង្វង់កន្រ្តក (សង់ទីម៉ែត្រ)៖ 45 (ខាងក្នុង) / 49 (ខាងក្រៅ)
- កញ្ចប់ (សង់ទីម៉ែត្រ)៖ 145 x 80 x 60

ចំណុះ
- មានរូបរាងតូច ពេលដោះក្តារក្រោយចេញ (សម)៖145x78x65

តើវាមានទម្ងន់ប៉ុន្មាន?

សូមពិនិត្យមើលទម្ងន់ផ្សេងៗរបស់ឈុតប្រអប់ឧបករណ៍នៅទីនេះ៖
- មិនគិតជើងទម្រ (គក្រ)56
- ដោយគិតជើងទ្រ (ខ្សាច់/ទឹក) (គក)៖ 176 / 146
- ចំណុះជើងទម្រ (លីត្រ)៖ 90

តើអ្នកគួរជ្រើសរើសកន្រ្តកបាល់ នៅកម្ពស់ណា?

កន្ត្រកបាល់បោះ មានកម្ពស់ជាផ្លូវការ3.05m (កម្ពស់គែមរបស់កន្រ្តក)។ប្រសិនបើអ្នកចង់បានកន្រ្តកបាល់បោះ សម្រាប់កូនរបស់អ្នក អ្នកចាំបាច់ត្រូវតែជ្រើសរើសកន្រ្តក ដែលអាចតម្រឹមតាមអាយុកូនរបស់អ្នក។
សម្រាប់ក្មេងៗ កម្ពស់កន្រ្តកបាល់ មិនមានជាផ្លូវការនោះទេ ដូច្នេះ អ្នកអាចជ្រើសរើសកម្ពស់ ដែលសាកសមសម្រាប់ពួកគេ។អាយុរហូតដល់10ឆ្នាំ កន្រ្តកបាល់ មានកម្ពស់2.60 ម៉ែត្រ។
ចាប់ពីអាយុ10ឆ្នាំឡើងទៅ ទាំងក្មេងស្រី និងក្មេងប្រុស អាចលេង ជាមួយនឹងកន្ត្រកបាល់ កម្ពស់3.05ម៉ែត្រ។

តើអ្នកគួរសង្កត់ជើងទម្រ ដោយទឹក ឬខ្សាច់?

កន្រ្តកបាល់បោះ ភាគច្រើន អាចថ្លឹងជាមួយទឹក ឬខ្សាច់ (សូមមើលការណែនាំផលិតផល)។
ដោយសារខ្សាច់មានដង់ស៊ីតេខ្ពស់ជាងទឹក នោះបើបរិមាណដូចគ្នា ខ្សាច់នឹងធ្ងន់ជាង៖ ដូច្នេះ កន្ត្រករបស់អ្នក នឹងកាន់តែមានលំនឹង (ប៉ុន្តែកាន់តែពិបាកផ្លាស់ទី)។
ទឹកក៏អាចកក នៅរដូវរងារ និងអាចធ្វើឱ្យជើងទម្រប្លាស្ទីកបែកបាន ប្រសិនបើសីតុណ្ហភាពធ្លាក់ចុះទាបខ្លាំង ឬអាចលេចធ្លាយតាមស្នាមប្រេះណាមួយ ដោយមិនដឹង។

តើអ្នកត្រូវប្រុងប្រយ័ត្នអ្វីខ្លះ នៅពេលមានខ្យល់បក់ខ្លាំង ឬព្យុះ?

ដើម្បីបង្ការគ្រោះថ្នាក់ឬការបែកបាក់ ក្នុងករណីមានព្យុះឬខ្យល់បក់ខ្លាំង យើងសូមណែនាំឱ្យដោះឈុតឧបករណ៍បាល់បោះរបស់អ្នក។
ក្ដារកាន់តែធំ វាកាន់តែត្រូវខ្យល់បក់ ជាពិសេសនៅពេលវានៅកាន់តែខ្ពស់។សូមកុំប្រថុយឱ្យសោះ។

តើអ្នកគួរថែរទាំកន្ត្រកបាល់បោះរបស់អ្នក យ៉ាងដូចម្ដេច?

យើងសូមណែនាំឱ្យសម្អាតកន្ត្រកបាល់បោះរបស់អ្នក ជាមួយនឹងអេប៉ុងសើម និងសាប៊ូ។ លាងជម្រះក្នុងទឹកធម្មតា។ប្រសិនបើផលិតផលរបស់អ្នក មានស្នោរការពារនៅបង្គោល សូមចងចាំថាត្រូវរក្សាទុកវានៅខាងក្នុង នៅរដូវរងារ។យើងសូមណែនាំឱ្យប្រើគម្រប ដើម្បីការពារក្ដារកន្រ្តកពីភ្លៀង និងកក។

តើអ្នកគួរប្រើបាល់ប្រភេទណា?

ទំហំបាល់ អាស្រ័យទៅលើអាយុ និងភេទរបស់អ្នកលេង។កូនក្មេង៖ ទំហំ១ ដល់ទំហំ៣។ក្មេងស្រី និងក្មេងប្រុស អាយុក្រោម10ឆ្នាំ៖ ទំហំ 5ក្មេងស្រី និងនារី អាយុចាប់ពី10ឆ្នាំឡើងទៅ និងក្មេងប្រុស អាយុពី10 ឆ្នាំទៅ 12ឆ្នាំ៖ ទំហំ 6ក្មេងប្រុស អាយុលើសពី12ឆ្នាំ និងបុរស៖ ទំហំ7
ប្រសិនបើអ្នកចង់បានបាល់ ដែលជាប់ធន់បានយូរ សូមជ្រើសរើសយកបាល់កៅស៊ូ។ប្រសិនបើអ្នកចង់បានបាល់ទន់ល្អ សម្បក ឬសាច់ក្រណាត់របស់បាល់ ជាសម្ភារៈដ៏ត្រឹមត្រូវ។

តើវណ្ឌ និងក្ដារកន្ត្រក ប្រភេទថាម៉ាក (Tarmak) អាចប្រើនៅទីលានសាធារណៈបានដែរ ឬទេ?

កន្ត្រករបស់យើង ត្រូវបានរចនាម៉ូតឡើង សម្រាប់លេងជាលក្ខណៈឯកជន (គ្រួសារ និងមិត្តភក្តិ)។កន្រ្តកបាល់បោះ ប្រភេទនេះ មិនត្រូវបានរចនាម៉ូតឡើង សម្រាប់ប្រើប្រាស់ខ្លាំង នៅតាមនឹងទីលានប្រកួតជាសាធារណៈ និងក្នុងក្លឹបឡើយ។

តើអ្នកដឹងទេថាផលិតផល ប្រភេទថាម៉ាក (Tarmak) ទាំងអស់ ត្រូវបានឆ្លងកាត់ការធ្វើតេស្តសាកល្បង នៅក្នុងមន្ទីរពិសោធន៍ និងនៅក្នុងលក្ខខណ្ឌនៃការប្រកួតជាក់ស្តែង?

ក្រុមរចនាម៉ូតលើផ្នែកកីឡាបាល់បោះរបស់យើង មានមូលដ្ឋាននៅមជ្ឈមណ្ឌលកីឡាស្រាវជ្រាវ និងអភិវឌ្ឍន៏ នៅភាគខាងជើង ប្រទេសបារាំង។ ពួកគេ តែងតែខិតខំធ្វើឱ្យអ្នកលេងកីឡាបាល់បោះ កាន់តែទទួលបាននូវផាសុខភាព។ផលិតផលទាំងអស់របស់យើងត្រូវបានរចនាឡើងជាមួយនឹងវត្ថុធាតុដើមដែលយើងបានត្រួតពិនិត្យគុណភាពនៃការគ្រប់គ្រងសំណើម ភាពរឹងមាំ ជាដើម។ ម៉ូដែលនីមួយៗត្រូវបានធ្វើតេស្តនៅក្នុងស្ថានភាពជាក់ស្តែង ដោយអ្នកលេងបាល់បោះជាច្រើនសប្ដាហ៍ ហើយឆ្លងកាត់ការកែប្រែដោយផ្អែកលើមតិតបរបស់លោកអ្នក។

តើនរណាជាអ្នករចនាម៉ូតផលិតផលកីឡាបាល់បោះ ប្រភេទថាម៉ាក (Tarmak)?

ថាម៉ាក (Tarmak) គឺជាក្រុមអ្នកចូលចិត្តលេងកីឡាបាល់បោះ ដែលបានបញ្ចេញម៉ូតផលិតផល ជាពិសេសសម្រាប់ការលេងកីឡាប្រភេទបាល់បោះនេះ។ ផលិតផលទាំងអស់ ត្រូវបានរចនាម៉ូតឡើង ដើម្បិបំពេញតាមតម្រូវការរបស់អ្នកលេងកីឡាបាល់បោះ មិនថាអ្នកទើបចាប់ផ្តើមលេងដំបូង ឬកម្រិតលើមធ្យម ជាមនុស្សពេញវ័យ ឬក្មេង ឬលេងម្តងម្កាល ឬជាប្រចាំនោះទេ។ បេសកកម្មរបស់យើង៖ ជួយឱ្យអ្នកទទួលបាននូវភាពរីករាយ តាមដែលអាចធ្វើទៅបាន ក្នុងកំឡុងពេលហ្វឹកហាត់ និងពេលប្រកួត។

សូមទទួលយកនូវរាល់គន្លឹះកីឡារបស់យើង ពាក់ព័ន្ធនឹងការជ្រើសរើសឧបករណ៍ការពារសម្រាប់ប្រើក្នុងកីឡាបាល់បោះ ឱ្យបានត្រឹមត្រូវ និងការហ្វឹកហាត់!

Tarmak បំពេញតាមតម្រូវការរបស់អ្នកលេងកីឡាបាល់បោះទាំងអស់ ពីអ្នកចាប់ផ្តើមលេងដំបូងរហូតដល់អ្នកលេងជាប្រចាំ។ សូមចូលមើលគន្លឹះរបស់យើងពាក់ព័ន្ធនឹងការហ្វឹកហាត់ ការបំពាក់ឧបករណ៍ការពារ និងការលេងតែម្នាក់ឯងឬជាមួយមិត្តភក្តិ។

គេហទំព័រ៖ https៖//conseilsport.decathlon.fr/conseils/basketball-al_332